SERIKALI YATOA WITO KWA WATOTO WALIOFAULU WARIPOTI KATIKA SHULE WALIZOPANGIWA WILAYANI CHUNYA

Serikali imetoa wito kwa wazazi wa watoto 409  waliofaulu kuingia kidato cha kwanza kwa mwaka 2013/2014 na kushindwa kuripoti  katika shule walizopangiwa,  waripoti  haraka vinginevyo watafikishwa mahakamani.

 Akizungumza kwa niaba ya Mkuu wa Wilaya hiyo DEODATUS KINAWIRO, Katibu Tawala wa Wilaya ya Chunya SOSTENETH MAYOKA amewataka madiwani kwa kushirikiana na watendaji wa vijiji,kata na wazazi, kuhakikisha watoto hao wanaripoti katika shule walizopangiwa kwa hiari yao kabla mkono wa dola haujawafikia.

Afisa elimu Wilaya ya Chunya, CHARLES MWAKALILA amesema tayari hatua zimeshaanza kuchukuliwa na wanafunzi 186 kati ya 409 wamesharipoti shuleni.

 Hata hivyo katika hatua ya kushangaza Diwani wa Kata ya Mkwajuni CHESCO NGAIRO  amekanusha idadi hiyo huku Diwani wa Kata ya Ngwala DONALD MAGANGA akisema ameanza kufuatilia katika Kata yake.